Nur-Sultan qalasy ákimdiginiń Tilderdi damytý jáne arhıv isi basqarmasy «Rýhanııat» kommýnaldyq memlekettik mekemesi erteń saǵat 15.00-de Oqýshylar saraıynyń «Amfıteatr» zalynda «MENİŃ TİLİM – ULY DALA RÝHY» HHI qalalyq til festıvali aıasynda «OI-ZEREK» ıntellektýaldy til saıysyn ótkizedi.
Is-sharanyń maqsaty - jas urpaqqa ulttyq-rýhanı jáne qazaq tiliniń qundylyqtaryn dáripteı otyryp, qazaqsha oılaýǵa, jazýǵa yqpal etý. Olardy til tazalyǵy men mádenıetin saqtaýǵa shaqyrý. Ár sala qyzmetkerleriniń latyn álipbıin tez meńgerýine septigin tıgizý.
Is-shara barysynda ár túrli mekemeler men uıymdardan quralǵan toptar ózara saıysqa túsedi. Saıys maqal-mátel qurastyrý, beıneni dybystaý, latynsha mátindi jyldam oqý, qazaq termınderi men aýdarmasy jáne ıntellektýaldy suraqtar syndy 5 kezeńnen turady.