Sporttyq dodaǵa 200 ótinish túsip, 60 komanda baǵyn synady.
«Almatyda erekshe kólikterdiń komandalyq saıysta baǵyn synaýshylar báıgege túsetin temir tulpardy óz qoldarymen qurastyrǵan. Jalpy sporttyq dodada 60 top baq synady. Álem boıynsha biregeı, jyldam jarys Almaty qalasy ákimdiginiń qoldaýymen uıymdastyrylǵan» dep habarlaıdy Almaty qalasy ákimdiginiń baspasóz qyzmeti.
Sporttyq dodada jalpy 60 komanda baǵyn synady. Oǵan qatysýǵa 200 azamattan ótinish kelip túsken. Kólikti qurastyrýǵa 2 aı ýaqyt berilgen. Qurylǵynyń basqyshy da, qozǵaltqyshy da joq. Jarysqa áýesqoı komandalardyń da qatysýyna múmkindik berilgen. Saıyskerlerdiń arasynda keńse qyzmetkerleri, mýzykant, sáýletshi, dızaıner jáne stýdentter bar.
Eń basty shart - kólik qoldan jasalyp, adamdardyń kómegimen ǵana jyldamdyq alýy tıis, ıaǵnı komanda músheleri ony yldıdan ıterip jiberedi. Arnaıy kedergileri qoıylǵan 350 metr qashyqtyqty eńserýi kerek. Qazylar alqasy qoldan qurastyrǵan kóliktiń dızaıny men sóre syzyǵy aldyndaǵy 30 sekýndtyq baǵdarlamany baǵalady.
Bas júldeni ZIG ZAG toby qanjyǵalady. Atap óterligi, bul top 2017 jyly da birinshi oryndy ıelengen bolatyn. Olar Sochıde ótetin Formýla-1 jarysyna joldama aldy. 5 saǵatqa sozylǵan kólik báıgesin tamashalýǵa 35 myń kórermen jınalǵan.
ALMATY