Kezdesý barysynda taraptar Qazaqstan men Iordanııanyń parlamentarızm jelisi boıynsha ǵana emes, ózara qyzyǵýshylyq týdyratyn basqa da salalardaǵy ekijaqty qatynastaryn talqylady. Bul týraly primeminister.kz habarlady.
Barlyǵymyz biletindeı, ekijaqty qatynastardyń myqty irgetasyn QR Tuńǵysh Prezıdenti Nursultan Nazarbaev pen Iordan Hashımıt Koroli Abdalla II qalaǵan, olardyń arasynda tyǵyz, dostyq qatynastar ornaǵan.
Saıası ózara is-qımyldyń keńeıýimen qatar, eki el arasyndaǵy taýar aınalymynyń ósýi baıqalady. Osy oraıda, Qazaqstan men Iordanııa arasyndaǵy saýda-sattyqty odan ári ulǵaıtyp, qazirgi ýaqytta búkil álemde ózekti bolyp tabylatyn azyq-túlik qaýipsizdigi jelisi boıynsha ekijaqty yntymaqtastyqty ósirýge zor múmkindikter bar. Bul rette, keleshekte Qazaqstan ony qamtamasyz etýde mańyzdy ról atqarýy múmkin.
«Osy oraıda, aýyl sharýashylyǵy salasyndaǵy yntymaqtastyq basym baǵyttardyń biri dep boljaımyn. Biz uzaq merzimdi kelisimsharttar negizinde Iordanııaǵa astyq eksportyn jolǵa qoıýǵa daıynbyz», — dep atap ótti Roman Sklıar.
Qazaqstan óz tarapynan Iordanııany, Islam Yntymaqtastyǵy Uıymy (IYU) sheńberinde azyq-túlik ózara kómek júıesin qurýǵa yqpal etetin Azyq-túlik qaýipsizdigi jónindegi Islam Uıymyna (AQIU) qosylýǵa shaqyrady.
«Shtab-páteri Nur-Sultanda ornalasatyn AQIU-nyń jumys isteýi IYU músheleriniń ekonomıkalyq yntymaqtastyqtaǵy sapaly jańa qadamy bolyp, azyq-túlik rezervterin qurý esebinen muqtaj musylman elderine azyq-túlik kómegin kórsetýge yqpal etetinine senimdimiz», — dedi Roman Sklıar.
Budan ózge, taraptar áýe qatynastary salasyndaǵy yntymaqtastyq máselelerin talqylady. Roman Sklıar Iordanııanyń áýe kompanııalaryn Qazaqstandyq tarappen yntymaqtastyqqa shaqyrdy, sondaı-aq, bizdiń el odan ári tıimdi ózara is-qımyldar aspektilerine taldaý jasaıtynyn qosa aıtty.
О́z kezeginde Iordanııa tarapynyń ókilderi Qazaqstan aýmaǵyna aýyl sharýashylyǵy ónimin eksporttaýǵa qyzyǵýshylyqtaryn bildirdi, sondaı-aq jyly qarsy alǵany úshin QR Úkimetine alǵys bildirip, bizdiń elder arasyndaǵy ózara qatynastardyń joǵary deńgeıin atap ótti.