BUU Bas Assambleıasynyń 74-shi sessııasy aıasynda Memleket basshysy BUU О́rkenıetter Alıansynyń Joǵary ókili Mıgel Anhel Moratınospen kezdesti. Bul týraly Aqordanyń baspasóz qyzmeti habarlady.
Taraptar ózara is-qımyl perspektıvalaryn, atap aıtqanda, dinaralyq kelisim men órkenıetterdiń jahandyq dıalogyn nyǵaıtý jaıyn talqylady.
Qazaqstan Prezıdenti О́rkenıetter Alıansy beıbitshilikti, yntymaqtastyqty qamtamasyz etýge jáne órkenıetaralyq dıalogty qoldaýǵa úlken úles qosyp kele jatqan bedeldi halyqaralyq ınstıtýttardyń biri ekenin atap ótti.
- Qazaqstan О́rkenıetter Alıansymen belsendi yntymaqtastyqqa daıyn. Elimizdiń delegasııasy Alıans forýmdaryna turaqty túrde qatysady, - dedi Qasym-Jomart Toqaev.
Prezıdent halyqaralyq uıymnyń basshysyna Álemdik jáne dástúrli dinder lıderleri seziniń jumysyn turaqty qoldap kele jatqanyna jáne 2018 jyldyń qazan aıynda ótken VI Sezine belsendi qatysqany úshin alǵysyn bildirdi.
Sonymen qatar, Memleket basshysy 12 qyrkúıekte BUU shtab-páterinde BUU Bas hatshysy Antonıý Gýterrısh usynǵan dinı ǵıbadat oryndaryn qorǵaý boıynsha Alıans ázirlegen is-qımyl josparynyń iske asyryla bastaǵanyn qoldaıtynyn aıtty.
О́z kezeginde Mıgel Anhel Moratorınos Qasym-Jomart Toqaevty Qazaqstan Prezıdenti laýazymyna saılanýymen quttyqtap, elimizdiń mádenıet pen órkenıetaralyq dıalogty damytý isindegi eńbegine joǵary baǵa berdi.