Nur-Sultanda «Jastar Alany 2019» respýblıkalyq debat týrnıri aıaqtaldy. 18-29 jas aralyǵyndaǵy 120-dan astam qara sóz sheberleri týrnırdiń jeńimpazy jáne jalpy júlde qory 4 000 000 teńge úshin tartysqa tústi.
Bul joba Aqparat jáne qoǵamdyq damý mınıstrligi, «Azamattyq bastamalardy qoldaý ortalyǵymen» KEAQ birlesip iske asyryldy. Jobanyń negizgi maqsaty Jastar jyly aıasynda Qazaqstandaǵy debat qozǵalysyn jandandyrý jáne debat federasııasyn qurý.
«Joba aıasynda biz debatshylarǵa arnalǵan saıt jasalynady. Ol saıt arqyly ár debatshynyń óziniń reıtıngi bolady. Oblystyq, respýblıkalyq deńgeıde jetken jetistikteri jazylyp turady. Sonymen qatar árbir ótken oıyndardyń, onyń ishinde oblystyq oıyndardyń da, tóreshilerdiń de reıtıngteri jasalynatyn bolady», «Jas Otan» jastar qanatynyń tóraǵasy Dáýlet Káribek.
«Jastar alany 2019» respýblıkalyq debat týrnıri orys lıgasynyń Amerıkandyq parlamenttik format jeńimpazdary Álıhan Qazenov pen Qanat Noǵoıbaev, Malıka Mamırova men Talǵat Omarov, Álisher Júzgenbaev pen Muhtar Tashkenbaev boldy. Al Álisher Júzgenbaev «Lınkoln – Dýglas» formatynyń jeńimpazy dep tanyldy. Sondaı-aq qazaq lıgasynyń Amerıkandyq parlamenttik format jeńimpazdary Tastanbaek Erdáýlet pen Ibadýlla Ásel, Joldasbek Laýra men Boranbaı Abylaı, Tursynov Baqytjan men Moldaqashev Qýanysh boldy. «Lınkoln-Dýglas» formatynyń jeńimpazy bolyp Aıdynov Shyńǵys atandy.
Keshtiń kórkin qyzdyrǵan «Stars Game» oıyny boldy. Bul oıynǵa tanymal blogerler men vaınerler Aqsýltan Qalıev, Ǵanı Ájikenov, Eldana Satybaldıeva qatysty.
Sonymen qatar, joba aıasynda týrnır qatysýshylary men tóreshileri úshin semınar, oqytý trenıngi ótkizildi. Onyń qorytyndysy boıynsha barlyq qatysýshylarǵa pikirtalas boıynsha trenıng ótkizý úshin jattyqtyrýshylar men tóreshilerdiń sertıfıkattary berildi. Qazan aıynda debaterlerge arnalǵan saıtpen mobıldi qosymshanyń tusaýkeseri ótedi. Taım-kıperlerdi almastyrýǵa arnalǵan mobıldi qosymshanyń qazirgi tańda Qazaqstanda balamasy joq.