Premer-Mınıstrdiń birinshi orynbasary – Qarjy mınıstri Á.Smaıylovtyń tóraǵalyǵymen Ekonomıkalyq yntymaqtastyq jáne damý uıymymen (EYDU) ózara is-qımyl jónindegi keńes otyrysy ótti.
EYDU-men yntymaqtastyqty damytý eldiń syrtqy ekonomıkalyq saıasaty basymdyqtarynyń biri ekenin atap ótip, Qazaqstannyń EYDU-men ózara is-qımyly týraly Ulttyq ekonomıka birinshi vıse-mınıstri Á.Irǵalıev habardar etti. Ol 2015 jyly EYDU-men úsh jylǵa arnalǵan Eldik baǵdarlamaǵa qol qoıylǵanyn atap ótti (2015-2018 jj.).
2020-2021 jyldarǵa arnalǵan EYDU-men jańa jobalar týraly Ádilet mınıstri M.Beketaev, Ulttyq ekonomıka birinshi vıse-mınıstri Á.Irǵalıev, Sybaılas jemqorlyqqa qarsy is-qımyl agenttigi tóraǵasynyń birinshi orynbasary O.Bektenov baıandady. О́z kezeginde, EYDU jahandyq qatynastar hatshylyǵynyń Eýrazııa boıynsha dıvızııa basshysy Ý.Tompson Qazaqstannyń EYDU-men yntymaqtastyǵynyń qorytyndylary men odan arǵy yntymaqtastyǵy týraly aıtyp berdi.