Qazaqstan óz ustanymyn jarııalady

Prezıdent Q.Toqaev Shveı­sarııa, Bolgarııa, Polsha, Grý­zııa, Ýkraına, Iordanııa elderi­niń basshylarymen kezdesý ba­rysynda ekijaqty qarym-qaty­nastardyń búgingi jaǵdaıyn talqylap, elder arasyndaǵy yntymaqtastyqty keńeıtý má­se­lelerin qarastyrdy. Qazaq­stannyń aımaqtaǵy jáne álem­degi saıası, qaýipsizdik, ór­ke­nıettik, ekonomıkalyq, eko­­lo­gııa­lyq máselelerge qatys­ty bas­tama kóterip, ony sheshý jolynda júr­­gizip kele jatqan tabysty saıa­saty men bas­tamalary álem el­deri ta­ra­pynan oń baǵalanyp otyr.

BUU Bas hatshysy Antonıý Gýterrıshpen kezdesý barysynda Memleket basshysy BUU-nyń halyqaralyq turaqtylyq pen qaýipsizdikti qoldaýdaǵy, ha­lyqaralyq qaqtyǵystardyń al­dyn alý men retteýdegi bas­shy­lyq rólin erekshe atap ótip, bul máselede bizdiń elimiz barynsha qoldaý kórsetetindigin jetkizdi.

BUU Bas Assambleıasynyń 74-shi sessııasy barysynda jasaǵan baıandamasynda Memle­ket basshysy Q.Toqaev álemdegi qaýipsizdik máselesine erekshe kóńil bóldi jáne sońǵy kez­deri jahannyń túrli aımaq­tarynda oryn alyp, sheshil­meı jatqan qarama-qaı­shy­lyqt­ar­dy atap ótip, álemdik der­javal­ardyń áskerı teketi­res aldynda turǵanyn eskert­ti. Elder arasyndaǵy ózara senim­niń azaıýyna baılanysty, jahandyq qaýipsizdik arhıtektýrasy buzylyp, qarý-jaraq básekelestigi qaıta jandanýda. Bul saýda soǵysy, sanksııalar, kıbertehno­logııa­lar, kosmos­taǵy qarama-qaı­shy­lyqtarmen jal­ǵasyp, daǵda­rysty odan ári kúsheıte túsýde. Osyn­da­ı kúr­deli jaǵdaıdy túsine oty­ryp, Qazaqstan jalpyǵa or­taq turaqty damýdy, elder ara­syn­daǵy teń qarym-q­aty­nasty jáne beıbitshilik jo­lyn­daǵy is-áreketterdi qoldaı­tyndyǵyn jarııalady. Bul baǵytta nátıjeli jumys istep, naqty is-qımyldar júr­gizý­ge Qazaq­stannyń áleýeti men táji­rı­besi jetkilikti dep aıtsaq bolady.

Nurlan SEIDIN,

saıasattanýshy