Qazan aıynyń aldaǵy aptasynda jyly kúzgi kúnder oralady jáne elimizdiń kóptegen aımaǵynyń turǵyndaryn qolaıly aýa raıy qýantady. Bul Iran aýdandarynan jyly aýa massasynyń túsýimen baılanysty bolady. Bul týraly Qazgıdromet ókilderi habarlady.
Termometr baǵandary kúndiz: elimizdiń soltústik bóliginde 15…23 gradýs jyly, ońtústik bóliginde aýa temperatýrasy 20…28-ge deıin birtindep kóteriledi.
Sonymen qatar aıdyń basynda soltústikte, ortalyqta jáne shyǵysta túnde tómen temperatýra: 2…10 gradýs aıazǵa deıin, keı jerlerde 3 gradýs jylyǵa deıin saqtalady. Sodan keıin birinshi onkúndiktiń sońynda Reseıdiń Eýropalyq aýmaǵynan sýyq aýa massalarynyń kelýimen aýa temperatýrasynyń tómendeýi jáne aldymen batysta, sodan keıin respýblıkanyń qalǵan aýmaǵynda jaýyn-shashyn túsýi múmkin: aýa temperatýrasy kúndiz batys jáne soltústik óńirlerde 7…15 jylyǵa deıin, shyǵysta 8…18 jylyǵa deıin, ońtústik óńirlerde 12…20 jylyǵa deıin tómendeıdi.
Uzaq merzimdi boljamǵa sáıkes, aıdyń ishinde sýyq tolqyny jaýyn-shashyn, tuman, kóktaıǵaq qubylystary, ekpini 15-20 m/s deıin jeldiń kúsheıýi sııaqty aýa raıy jaǵdaılary jıi aýysyp, jylý tolqyndarymen almasatyn bolady.
Qazan aıynyń ortasha aýa temperatýrasy Qazaqstannyń kóptegen bóliginde norma shamasynda, Túrkistan, Jambyl, Almaty, Qyzylorda oblysynyń batysynda 1°S normadan joǵary bolady dep kútiledi.
Jaýyn-shashyn mólsheri elimizdiń kóptegen bóliginde – norma shamasynda jáne normadan kóp, Batys Qazaqstan, Atyraý, Aqtóbe, Qyzylorda, keı jerlerde, Qostanaı jáne Qaraǵandy oblystarynda normadan tómen bolady dep boljanady.