Ulttyq múddege basymdyq bergen qujat

Prezıdent Qasym-Jomart Toqaev – Tuńǵysh Prezıdent bastaǵan ózgeristerge toly kezeńdi basynan ótkergen, Nur­sultan Nazarbaevtyń árip­tesi, kómekshisi men oń qoly bolǵan ulttyq saıası tulǵa. Q.Toqaev myrza óziniń jınaqtaǵan mol tá­ji­rıbesi men halqynyń ózine de­gen seniminiń arqasynda prezı­denttik bılikke qol jetkizdi.

Qazaqstan uzaq merzimdi strategııalardy josparlaý men oryndaý boıynsha zor tájirıbesi bar memleket. Qazaqstan táýelsizdik alǵan ýaqyttan beri biz bul eldiń qazirgi qoǵamynda oryn alyp jatqan transformasııalyq prosester men ózgeristerge jaýap bere alatyn strategııalyq jos­parlar men damýdy, modernızasııalaýdy qamtıtyn memlekettik baǵdarlamalardyń kýási boldyq. Osylaısha Qazaqstan damý men gúldenýdi uran etken aıqyn ba­ǵyt-baǵdaryn anyqtap, júzege asy­rýda úlken sheberlik tanyt­ty. Osynyń arqasynda ult­tyq múd­deniń júzege asýyn qamtama­syz etetin baǵdarlamalar iske asýda.

Prezıdent Kasym-Jomart Toqaev óz Joldaýynda kez kelgen memlekettiń damýyna qajetti asa mańyzdy máselelerdi qamtyp ótti, atap aıtar bolsaq: birinshi, turaqtylyqty qamtamasyz etetin is-sharalarǵa sáıkes zamanaýı memleketti qurý maqsatyndaǵy saıası ózgerister, ekinshiden, azamattardyń qaýipsizdigi men adam quqyqtaryn qamtamasyz etetin júıeli is-sharalardy júzege asyrý, sonymen qatar memlekettegi azamattyq qoǵam sıpatyn nyǵaıtý, azamattyq qoǵam uıymdarynyń rólin arttyrý. Osy arada aıta keteıin, memlekettik mańyzy zor má­se­lelerdi sheshý prosesine qoǵam­dyq uıymdardyń belsendi túrde atsalysýyn arttyrýda bul shara­nyń mańyzy orasan zor.

Sonymen birge ulttyq ekono­mıkanyń ósimi men ınklıý­zıv­tiligin qamtamasyz etý de óte mańyzdy. Búkil ǵalamdy jaýlap alǵan álemdik ekonomıkalyq daǵdarys zamanynda bul másele memlekettiń ekonomıkalyq damý prosesinde asa yqpaldy rólge ıe bolyp otyr. Aldaǵy ýaqytta Batys pen Shyǵys arasyndaǵy ekonomıkalyq balans túbegeıli ózgeristerge ushyraýy múmkin. Sondyqtan Qazaqstan, birinshi kezekte aýyl sharýashylyǵyn damytýǵa erekshe kóńil bólgeni jón, sebebi aýyl sharýashylyǵy salasynda Qazaqstanǵa berilgen úlken múmkindikter ózge kóptegen elderde joqtyń qasy.

Prezıdent óz Joldaýynda qarapaıym azamattyń múddesin qamtıtyn basty ulttyq másele­lerdi qozǵady. Sondyqtan Prezı­dent sózin iske asyrý jolynda qazaq halqy Úkimet jáne mem­le­kettik organdarmen birlese oty­­ryp eńbek etýi tıis. Osy ret­­te ulttyq arnalar men medıa re­sýrs­­t­ar qoǵam men memleket ara­­­syn­­daǵy yntymaqtastyqty asy­ra maqtaýdan aýlaq ári obek­tıvti túrde dáripteýi tıis.

Qazaqstan halqyna máńgilik turaqtylyq pen gúldený tileı­min.

Májıd ben Ábdel

Ázız ál-TÚRKI,

Arab-orys zertteýler men aqparat ortalyǵynyń basqarýshysy