Jýyqta jumys babymen Máskeýge bardym. Qolym qalt etkende sonda turatyn qandasymyz, ataqshy basketbolshy, Olımpıada chempıony Áljan Jarmuhamedovke habarlasyp, reti kelse sálem berý oıym bar ekenin jetkizip edim, aǵamyz «kele berińiz» degeni. Aman-sálemnen soń aǵa ekeýmiz foto albomyn tamashaladyq.
Sarǵaıǵan sýretterdi aqtaryp otyryp, myna bir sýretke kózim túskeni: jas shamalary áýdem tartqan maıkisheń otyrǵan murtty er adam men gúldi kóılek kıgen jyly júzdi áıel beınesi. Álekeńnen «bular kimder?» dep suradym. Aǵamyz ádettegideı jumsaq jymıyp aldy da, «meniń ata-anam ǵoı» dedi. Rasyn aıtsam, buǵan deıin dańqty sportshy jaıly birshama derekter bilsem de, ata-anasynyń beınesin kezdestirmeppin.
Aǵamyzdyń aıtýy boıynsha bul foto 1960-jyldardyń ortasynda ózi týǵan Tabaqsaı aýylynda túsirilgen eken. Ákesi Músirbek 1905 jyly Qyzylorda oblysynyń Tereńózeginde týyp, asharshylyq jyldary aǵasy Súleımen, inisi Syzdyhan bar barlyǵy О́zbekstannyń Shyrshyǵyna aýyp barǵan. Keıin aǵasy men inisi qyrǵyzdardy saǵalap ketip, soǵys bastalǵanda Súleımen maıdanǵa attanǵan da, Syzdyhan Jezqazǵan óńirine kóship kelgen.
Sóıtip apalas-tópeles zamanda aǵaıyndarynan alystaǵan Músirbek ózimen taǵdyrlas jalǵyz sheshesin jetelep Ýkraınadan aýyp kelgen Praskovıa Jıronkınamen kóńil qosqan. Myna fotodaǵy jyly júzdi áıel osy kisi, ıaǵnı Áljannyń anasy.
Qabıbek MUHITOV,
Atyraý munaı jáne gaz ýnıversıtetiniń dosenti