Parlament Senatynyń depýtattary Sáýle Aıtpaeva jáne Sergeı Plotnıkov Fransııanyń Strasbýrg qalasynda ótip jatqan Eýropa Keńesi Parlamenttik Assambleıasynyń (EKPA) jetpisinshi sessııa tórtinshi bóliminiń jumysyna qatysýda.
Senatorlar Sáýle Aıtpaeva men Sergeı Plotnıkov EKPA parlamenttik alańynda Eýropa Keńesi Parlamenttik Assambleıa Tóraǵasynyń orynbasary Antonıo Gýterrespen, Qazaqstanmen parlamentaralyq áriptestik máseleleri jónindegi fın depýtattarymen jáne Ispanııa men Fınlıandııa depýtattar tobymen birqatar kezdesýler men kelissózder ótkizdi. Depýtattar Quqyqtyq jáne adam quqyqtary máseleleri jónindegi komıtettiń otyrysyna qatysty.
Sessııa aıasynda Eýropadaǵy ombýdsmen qyzmetterindegi quqyq buzýshylyqtar týraly belgi beretin tulǵalardy qorǵaýdy kúsheıtý, terrorızm qurbandaryn qorǵaý men qoldaý, Eýropa Keńesiniń Damý bankiniń, Moldova Respýblıkasynda demokratııalyq ınstıtýttardyń qyzmet etýi, evreı mádenı murasyn saqtaý, Shyǵys Eýropa elderinen eńbek mıgrasııasy máselelerin qarastyrý josparlanyp otyr, dep habarlady Senattyń baspasóz qyzmeti.