Nur-Sultan qalasynda Qazaqstan Armııa ortalyq sport klýbynyń (AOSK) sportshylary joldama alǵan Konfederasııalar kýbogynyń qazaq kúresinen irikteý kezeńi ótti.
Qazaqstannyń 7 sporttyq klýbynan kelgen 100-den asa sportshy 7 salmaq dárejesi boıynsha synǵa tústi. Armııalyq sportshylar elimizdiń túrli sport klýbtarynan kelgen, atap aıtqanda, Almaty qalasynyń «Qazaq kuresi», Qaraǵandy qalasynyń «Qaraǵandy qazaq kúresi» jáne «ZAKKAR», Nur-Sultan qalasynyń «Elorda batyrlary» men Jambyl oblysynyń «Jekpe-jek» klýbtary qarsylastary bir-birimen kezdesti.
«Atalǵan týrnır, 6-7 jeltoqsan aralyǵynda Almaty qalasynda ótetin Konfederasııalar kýbogyna irikteý boldy. Bul týrnır ózine dzıýdo, qazaq kúresi, taekvondo, boks, erkin jáne grek-rım kúresi syndy sporttyń bes túri boıynsha saıysqa túsetindigimen jáne de «qabyrǵadan qabyrǵaǵa» formatynda ótetindigimen erekshelenip otyr. Bizdiń sportshylar jaqsy nátıje kórsetip, atalǵan kýbokqa joldama aldy. AOSK quramyna QR QM AOSK merzimdi qyzmette júrgen qatardaǵy jaýyngerler Erasyl Sákenuly men Erkebulan Abdýlla kirdi», dep atap ótti Qazaq kúresi boıynsha komandanyń bastyǵy Asan Mambetqulov.