Parlament Senaty Konstıtýsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysynda «Qazaqstan Respýblıkasy men Ýkraına arasyndaǵy ekstradısııalaý týraly shartty ratıfıkasııalaý týraly» zań jobasy qaraldy. Bul týraly Parlament Senatynyń baspasóz qyzmeti habarlady.
Shart 2018 jylǵy 29 qazanda Nur-Sultan qalasynda jasalǵan bolatyn.
Shart izdeýde júrgen adamdardy qylmystyq jaýapkershilikke tartý nemese sot úkimin oryndaý úshin eki el arasynda ekstradısııalaý máselelerin retteıdi. Qujatta ekstradısııalaý úshin de, odan bas tartý úshin de negizder qarastyrylǵan.
Shartty ratıfıkasııalaý qylmysqa qarsy kúreste eki el yntymaqtastyǵynyń tıimdiligin arttyrady.
Árbir tarap óziniń ulttyq zańnamasy negizinde óz azamattaryn berýden bas tartýǵa quqyly. Osy Shart boıynsha quzyretti organ Qazaqstan Respýblıkasynyń Bas prokýratýrasy bolyp tabylady.
Qujat Palatanyń qaraýyna berildi.