Oblystaǵy «Memlekettik, bank mekemeleri jáne qoǵamdyq qyzmet kórsetý uıymdary qyzmetkerleriniń jergilikti kásiptik odaǵy» qoǵamdyq birlestiginiń quramynda qalalyq, aýdandyq 12 kásipodaq uıymy, 420 bastaýysh uıym bar.
Qazir osy uıymdarda barlyǵy 8,5 myńnan astam múshe tirkelgen. Mindet – kásipodaqtyń jumysyn úılestirý, eńbek qatynastaryn retteý. Kásipodaq músheleriniń áleýmettik-ekonomıkalyq, eńbek quqyqtary men múddelerin qorǵaý. Eńbek adamdarynyń áleýmettik máselelerin sheshý.
Qoǵamdyq birlestiktiń málimetinshe, jumys berýshi men jumysshy arasyndaǵy eńbek qatynastary Ujymdyq sharttarmen rettelýine baılanysty sharttarda jumysshylarǵa beriletin áleýmettik jeńildikterdi engizip, zańdastyra alady.
О́tken jyly qoǵamdyq birlestik oblys ákimdigimen, qylmystyq-atqarý júıesi komıtetiniń oblys boıynsha basqarmasymen, oblystyq Ishki ister departamentimen jáne oblystyq jumyspen qamtýdy úılestirý jáne áleýmettik baǵdarlamalar basqarmasymen áleýmettik-yntymaqtastyq jónindegi kelisimderge qol qoıyldy.
Uıym janynan ashylǵan jastar keńesi jumys jasaıdy. Túrli is-sharalar ótkizip, jastarǵa zańdyq kómek kórsetip otyrady.
Jas memlekettik qyzmetshiler arasynda «Úzdik memlekettik qyzmetshi» saıysy ótkizildi. Jeńimpaz atanǵan Aqtoǵaı aýdany ishki saıasat bóliminiń basshysy Saıaýysh Sádýaqasov, Ýspen aýdany ákimi apparatynyń bas mamany Olga Kolıada Aqmola oblysy «Shýchınsk» sanatorııinde ótken respýblıkalyq jastar forýmyna joldama aldy.