Parlament Senatynyń Tóraǵasy, Qazaqstan Respýblıkasynyń Tuńǵysh Prezıdenti qorynyń dırektory Darıǵa Nazarbaeva Nur-Sultanda ótip jatqan Qaterli isikpen kúres kóshbasshylarynyń dúnıejúzilik sammıti aıasynda birqatar kezdesýler ótkizdi. Bul týraly Parlament palatasynyń baspasóz qyzmeti habarlady.
Joǵarǵy palata basshysy Iordanııa Hashımıt Koroldiginiń patshaıymy, Qaterli isikti halyqaralyq baqylaý odaǵynyń prezıdenti Dına Mıredpen kezdesti. Taraptar Tuńǵysh Prezıdent Qorynyń jáne Korol Hýseınniń Obyrmen kúres qorymen yntymaqtastyq múmkindikterin talqylady.
«Tuńǵysh Prezıdent Qory densaýlyq saqtaý jáne jastardyń ǵylymı zertteýlerimen birge túrli baǵyttardaǵy jobalardy qarjylandyrady. Qordyń dırektory retinde bizdiń uıymdardyń yntymaqtastyq múmkindikterin qarastyrýdy usynamyn. Biz onkologııa máselelerin zertteý salasyndaǵy jumysymyzdy kúsheıtýge yqylastymyz», - dedi Darıǵa Nazarbaeva.