Búgin tańerteń BUU–daǵy Qazaqstannyń Turaqty ókiliniń keńesshisi Ánýar Jaınaqov keshe áleýmettik jelidegi paraqshasynda qazaqtyń Dımashyn amerıkalyqtardyń qalaı kútip alǵany, BUU–ǵımaratynda bolǵan sátteri týraly bólisti.
«Qazaqstan úıine kelgendeı boldym ǵoı», - kúlip aıtty Dımash Qazaqstannyń Birikken Ulttar Uıymy janyndaǵy Turaqty ókildigine kelgende. Sondaı –aq BUU–daǵy Qazaqstannyń Turaqty ókiliniń keńesshisiniń usynǵan beıne kóriniste Dımashtyń Qazaqstannyń memlekettik Týynyń qasynda turyp «álemge beıbitshilik tileımin» dep turǵan sáti taspaǵa túsip qalǵan.
Dımash Qudaıbergen qazir Nıý-Iorktegi qazaqstandyq dıplomattarmen jáne olardyń otbasylarymen kezdesti.
Munyń aldynda ol Instagram paraqshasynda reseılik kompozıtor Igor Krýtoıdyń Nıý-Iorkte ótken shoýynan vıdeoúzindi jarııalaǵan bolatyn.
Aıta ketsek, Igor Krýtoıdyń Brýklındaǵy (Nıý-Iork) Barclays Center sahnasynda Igor Krýtoıdyń «65-ke ómirde, bir-aq ret tolamyz» atty keshi ótken bolatyn. Konserttik zalǵa 19 myń adam sııady.
Shoý Nıý-Iork ýaqyty boıynsha 26 qazanda saǵat keshki 19.00-de bastaldy. Qazaq ánshisimen birge amerıkalyq sahnada Reseıdiń tanymal ánshileri Fılıpp Kırkorov, Nıkolaı Baskov, Sergeı Lazarev, Irına Allegrova, «A-Stýdıo» qatarly ánshileri men toptary óner kórsetti. Dımashtyń jankúıerleri ánshini áýejaıdyń ózinde qarsy alyp, konsertinde uzaq qoshemetpen qurmet kórsetti.
Ol óziniń Instagram paraqshasynda jankúıerlerine alǵysyn bildirdi.
«Rahmet, Nıý-Iork 10 jeltoqsanda dál osy jerde meniń konsertimde kezdeskenshe!» - dep jazdy ánshi.
Eske sala ketsek, buǵan deıin Dımash Qudaıbergenniń Nıý-Iork qalasyndaǵy «Barclays Center» arenasynda 10 jeltoqsanda konsert beretinin jazǵan bolatynbyz. Ánshi óziniń «Arnaý» baǵdarlamasyn oryndamaq. Mádenı sharany Mádenıet jáne sport mınıstrligi uıymdastyrady.
Ánshi Amerıkada tórt tilde án shyrqaıdy.