Oblystyq kóshi-qon polıseıleri uzaq jyldar boıy qujatsyz ómir súrgen áıelge jeke kýáligin rásimdeýge raqymshylyq qolyn sozdy.
Polısııa departamenti baspasóz qyzmetiniń habarlaýynsha, 1998 jyly Reseıdiń týmasy Almaty qalasynda jol apatyna ushyraǵannan keıin esin joǵaltqan. Ol kóp jyldar boıy ońtústik astanada turyp kelgen. Týystary izdestirip tapqanymen, tıisti qujattary bolmaǵandyqtan ákete almaǵan. Shamasy, 1974 jyly alynǵan tólqujatyn joǵaltyp alsa kerek.
«Bıyl Qyzyljar óńirinde turatyn týystary 50 jastaǵy áıeldi kóshirip alǵan soń kóshi-qon polısııasyna júgindi. Basqarma qyzmetkerleri aldymen áıeldi azamattyǵy joq tulǵa retinde taný úshin qujatyn jınaýǵa kómektesti. Sóıtip reseılik áıel azamattyǵy joq tulǵa retinde kýálik aldy. Endi ol óz otanyna bara alady», delingen baspasóz ortalyǵy habarlamasynda.
Kóshi-qon polısııasynyń málimetinshe, jyl basynan beri taǵdyrdyń ártúrli sergeldeńine kezdesken júzden astam adamnan qujat rásimdeý jóninde ótinish túsken. Osynyń aldynda ǵana tártip saqshylary 30 jyl boıy eshbir qujatsyz júrgen adamǵa qol ushyn bergen bolatyn.