27 qarashada «Jumys isteıtin jastarǵa arnalǵan satyp alý quqyǵynsyz jalǵa beriletin turǵyn úı» baǵdarlamasyna qatysýǵa qujattar tapsyrǵan azamattar arasynda tolyq emes qujattar paketin jibergen qatysýshylar óz ótinimin túzete alady. Bul týraly Nur-Sultan qalasynyń ákimdigi habarlady.
Kelip túsken 6304 ótinimniń 2157-i qujattar paketin tolyq usynbaý sebebinen qaıta qaraýǵa jiberilgen.
Smart-Astana portalynda tirkelý kezinde kórsetken telefon nómirine ótinim mártebesi týraly sms-habarlama jiberiledi:
1) «Jumysqa qabyldandy»;
2) «Túzetý qajet»;
3) «Qaraýdan bas tartyldy»;
Eger ótinim túzetýge jiberilse, biraq qatysýshy osy ýaqyt ishinde tizim boıynsha jetispeıtin qujatty qospasa, qujattar tolyq emes bolǵandyqtan ótinim avtomatty túrde qabyldanbaıdy.
Qujattardy baıandaý qajettigi týraly sms-habarlama jiberilgender úshin aǵymdaǵy jylǵy 26 qarashasynan bastap saǵat 10.00-den 23.59-ge deıin qosa beriletin qujattardyń jetispeıtin tizimimen tanysý úshin Smart Astana portalyndaǵy jeke kabınetke kirý jáne 27 qarasha kúni saǵat 00.00-den 23.59-ge deıin ótinimdi túzetý múmkindigi beriledi.
Eger ótinim jumysqa qabyldanǵandyǵy týraly sms-habarlama jiberilse, biraq qatysýshy qosymsha qujattardy qosqysy kelse, ol jaǵdaıda da ótinimdi túzetý múmkindigi beriledi. Baǵdarlama talaptaryna sáıkes kelmeýine baılanysty «Qaraýdan bas tartyldy» sms-habarlamasyn alǵandar portaldan bas tartý sebebimen Jeke kabınetinde tanysa alady, biraq ótinimdi túzete almaıdy. Túzetý úshin http://new.smart.astana.kz/ru/housing silteme boıynsha Smart Astana portalyndaǵy jeke kabınetińizge kirý kerek. Túzetý kezinde ótinim berilgen kún ózgermeıdi.