Elbasy Nursultan Nazarbaev 2019 jyldy «Jastar jyly» dep jarııalaǵany belgili. Osy ıgilikti istiń aıasynda Tuńǵysh Prezıdent kúnine oraı ótkizilip otyrǵan is-shara. Mádenıet jáne sport mınıstrligi Til saıasaty komıtetiniń tapsyrysymen Shaısultan Shaıahmetov atyndaǵy «Til-qazyna» ulttyq ǵylymı-praktıkalyq ortalyǵy 28 qarasha kúni, ıaǵnı erteń Nur-Sultan qalasynda Eýrazııa gýmanıtarlyq ınstıtýty bas ǵımaratynyń akt zalynda «Latyn grafıkasyna kóshirý úderisindegi jastardyń róli» taqyrybynda semınar-keńes uıymdastyrady. Bul týraly ortalyqtyń baspasóz qyzmeti habarlady.
Prezıdent Qasym-Jomart Toqaevtyń halyqqa Joldaýyndaǵy qazaq tiliniń ultaralyq qatynas tili retinde qalyptasý baǵytyndaǵy jumystardyń bir salasy qazaq álipbıin latyn grafıkasyna kóshirý úderisindegi jastardyń alatyn orny men atqaratyn rólin anyqtap, pysyqtaý, jastarǵa artylatyn mindetterdi belgileý ári nasıhattaý.
Semınar-keńes aıasynda qazaq tiliniń jahandaný úderisindegi latyn grafıkasyna kóshýdegi logıkalyq maǵynasy, qazaq tiliniń damýyndaǵy onyń róli men mańyzdylyǵy qozǵalady. Jahandaný jáne ulttaný úderisindegi qazaq tiliniń ómirsheńdigin arttyratyn reforma retindegi jańa álipbıge kóshý barysy, osyǵan qatysty atqarylǵan sharalardyń qorytyndysy, aldaǵy mindetter, jurtshylyq arasynda bul reformaǵa qatysty júzege asyrylǵan jumys nátıjeleri sóz bolady. Álipbı reformasynyń jalpyhalyqtyq sıpat alý tetikterin iske qosýdyń joldary anyqtalyp, qoǵamdyq ómir salalary men qurylym ókilderine arnalǵan álipbı reformasy men jas ǵalymdardyń osy úderistegi róli týraly pikirler talqylanady.
Semınar-keńeske ortalyq atqarýshy memlekettik organdar men jergilikti atqarýshy memlekettik organdarda qyzmette júrge jas memlekettik qyzmetshiler, joǵary jáne orta arnaýly oqý oryndarynda jumys istep júrgen jas ǵalymdar, doktoranttar men magıstranttar, fılolog mamandar, fılologııa fakýltetteriniń stýdentteri, jas til mamandary jáne qazaq tiliniń bolashaǵyna beıjaı qaramaıtyn til janashyrlary qatysady.