Aqparat jáne qoǵamdyq damý mınıstri Dáýren Abaev Táýelsizdik kúni qarsańynda buqaralyq aqparat quraldary ókilderine memlekettik nagradalardy saltanatty jaǵdaıda tapsyrdy. Eńbegi elengen azamattardyń arasynda bıyl ǵasyrlyq mereıtoıyn atap ótip jatqan bas basylym – «Egemen Qazaqstan» gazetiniń qyzmetkerleri de bar.
Aqparat jáne qoǵamdyq damý mınıstri Dáýren Abaev sóz sóılep, qalamgerlerdi ulyq mereke – Táýelsizdik kúnimen jáne alǵan marapattarymen quttyqtady.
Memlekettik jáne qoǵamdyq qyzmettegi sińirgen eńbegi, eldiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi úshin «Egemen Qazaqstan» gazeti bas redaktorynyń orynbasary Ǵabıt Músirep «Qurmet» ordenine laıyq dep tanyldy.
Sonymen qatar «Egemen Qazaqstan» gazeti bas redaktorynyń orynbasary Dýman Anash «Eren eńbegi úshin» medalin keýdesine taǵyp, atalǵan basylymnyń jaýapty hatshysy Samat Musa «Qazaqstannyń eńbek sińirgen qaıratkeri» qurmetti ataǵymen marapattaldy.