Parlament Senaty Ekonomıkalyq saıasat, ınnovasııalyq damý jáne kásipkerlik komıtetiniń keńeıtilgen otyrysynda «Qazaqstan Respýblıkasynyń keıbir zańnamalyq aktilerine temirjol kóligi máseleleri boıynsha ózgerister men tolyqtyrýlar engizý týraly» zań jobasy qaraldy. Bul týraly Parlament Senatynyń baspasóz qyzmeti habarlady.
Zań jobasy Memleket basshysynyń 2019 jylǵy 2 qyrkúıektegi «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna joldaýyn iske asyrý jónindegi Jalpyulttyq is-sharalar josparynyń 30-tarmaǵyn iske asyrý maqsatynda ázirlengen jáne tarıf jasaýdy jetildirýge jáne ashyqtyǵyn arttyrýǵa, kirme joldardaǵy kórsetiletin qyzmetterdi tutynýshylardyń quqyqtaryn qorǵaýǵa, sondaı-aq tranzıttik tasymal prosesterin retteýge baǵyttalǵan.
Qujatpen birqatar zańnamalyq aktilerge ózgerister men tolyqtyrýlar engiziledi.
Zań jobasymen Qazaqstan Respýblıkasyndaǵy temirjol kóligi týraly zańnamanyń talaptaryn buzýshylyqtardyń quramynda baǵyttaýshy burmalar men ótkelderdi kútip-ustaǵany úshin jaýapkershilik; kirme joldardaǵy rettelip kórsetiletin qyzmetti kórsetý úshin paıdalanylatyn múlik mámilelerin jasaý kezindegi tabıǵı monopolııa sýbektisiniń tabıǵı monopolııalar salalarynda basshylyqty júzege asyratyn ýákiletti organnyń kelisimin alý mindettemesi; magıstraldyq jelide qyzmet kórsetý jónindegi Ulttyq ınfraqurylym operatorynyń jolaýshylardy tasymaldaýshyǵa kórsetken qyzmetterine qosylǵan qun salyǵyn esepke jazý jáne jatqyzý tártibi reglamentteledi.
Qujat Palata qaraýyna berildi.