Elordalyq Polısııa departamenti TJD-men birge 2019 jyldyń 17 jeltoqsanynan 2020 jyldyń 3 qańtaryna deıin qala aýmaǵynda «Pırotehnıka-2019» jedel aldyn alý is-sharasyn ótkizedi. Bul týraly elorda ákimdiginiń resmı saıty habarlady.
Is-sharanyń negizgi maqsaty – arnaıy sertıfıkaty joq pırotehnıkalyq ónimderdi aınalymnan alyp tastaý, sondaı-aq zańsyz satý jáne saqtaý erejelerin buzý faktilerin anyqtap, onyń jolyn kesý.
Polısııa departamenti pırotehnıkalyq buıymdardy konteınerlerden tys jáne pırotehnıkalyq buıymdardy saqtaýǵa lısenzııasy, ruqsaty joq adamdardardyń satýyna, sondaı-aq ashyq sórelerde, avtomashınalarda, shatyrlarda, ótpe joldarda qolma-qol satýǵa qatań tyıym salynatyndyǵyn eskertedi. Osyndaı faktiler anyqtalǵan jaǵdaıda, atalǵan tulǵalar ákimshilik jaýapkershilikke tartylatyn bolady.