Sársenbiniń sátti kúni Aqtóbe aımaǵynda taǵy bir iri ınvestısııalyq jobanyń tusaýy kesildi. Buǵan deıin óńirde qomaqty ınvestısııalyq qarajat negizinen oblys ortalyǵy men onyń mańaıyna tartylyp kelse bul joly ınvestısııa aǵysy aýdanǵa qaraı baǵyttaldy. Sóıtip ıtalııandyq «Eni» kompanııasy Qarǵaly aýdanynda jel elektr stansasynyń birinshi kezeńin iske qosty.
Aıta keterlik másele atalǵan aýmaqty nysan ekologııalyq turǵydan taza elektr energııasyn óndiredi. Osy turǵyda Aqtóbe oblysynda el óńirleri arasynda eshqandaı balamasy joq qanat qaqty jobanyń alǵashqy kezeńi oıdaǵydaı júzege asty. Bul ınvestısııalyq qurylym oblys ekonomıkasynyń áleýetin odan ári nyǵaıtýǵa óz septigin tıgize alady, dedi gazet tilshisine ataǵan jobaǵa qoldaý kórsetken «Kazakh invest» UQ AQ basqarmasy tóraǵasynyń orynbasary Birjan Káneshev.
Jańartylǵan energııa kózderi sapyndaǵy tuńǵysh ári qanatqaqty joba elimizdiń «Jasyl ekonomıkaǵa» kóshýi jónindegi alǵashqy iri qadamdardyń biri bolyp otyr. Tuńǵysh Prezıdent – Elbasy N.Á.Nazarbaevpen Memleket basshysy Qasym-Jomart Toqaev, joǵary jáne jergilikti atqarýshy organdardyń aldyna qoıǵan mindet te osy desek Aqtóbede ashylǵan jobanyń qundylyǵy odan ári arta túsedi.
Jel elektr stansasynyń jyldyq qýattylyǵy 48 MBt teń bolsa, onyń jalpy quny 33 mıllıard teńgeni quraıdy. Jańa nysan shırek ǵasyr ishinde ár jyl saıyn 200 GVt-ǵa jýyq elektr qýatyn óndiredi dep kútilýde. Bir sózben aıtqanda stansa jıyrma myń adamdy jaryq kózimen qamtamasyz etýge múmkindik beredi. Iаǵnı munyń ózi tutastaı Qarǵaly aýdany turǵyndary men mundaǵy óndiristik jáne sharýashylyq nysandardy elektr energııasymen tolyqtaı qamtýǵa jetedi degen sóz. Aldaǵy 2020 jyly jel elektr stansasynyń ekinshi kezeńi de aıaqtalyp, atalǵan biregeı nysan tolyq qýatynda iske qosylmaq.
Biz sheteldik ınvestorlarǵa bıznes júrgizýge qajetti barlyq jaǵdaılardy týǵyzý úshin barlyq múmkindikterdi qarastyryp kelemiz. Osy umtylysymyzdyń nátıjeleri de joq emes. Munyń jarqyn mysaldarynyń biri ıtalııalq «Eni» kompanııasynyń óńirde jasaǵan qarqyndy is-qımyly deýge bolady. Olardyń jobaǵa júz mıllıon dollardan astam qomaqty ınvestısııalq qarajat salýy jergilikti atqarýshy organdar tarapynan jasalǵan qoldaýdyń bir kórinisi bolmaq dep túıindedi óz oıyn qýatyn jelden alatyn stansanyń ashylý rásimi kezinde Aqtóbe oblysynyń ákimi Ońdasyn Orazalın.
Túıip aıtqanda jaǵymdy ınvestısııalyq ahýal óńirde ekonomıkanyń basym sektorlaryna ınvestısııanyń jańa tolqynyn tartýǵa alǵyshart qalap otyr.