Sybaılas jemqorlyqqa qarsy is-qımyl agenttiginiń Tóraǵasy A.Shpekbaev jáne Shyǵys Qazaqstan oblysynyń ákimi D.Ahmetovtiń qatysýymen halyqpen jedel keri baılanysty qamtamasyz etetin erekshe «ANTIKOR ORTALYGY» servıstik ortalyǵy ashyldy.
Bul joba azamattarǵa ashyq jáne kedergisiz qyzmet kórsetý arqyly qajetti máseleler boıynsha quqyqtyq kómek pen keńester alýǵa múmkindik beredi.
Sybaılas jemqorlyqqa qarsy servıstik ortalyq memlekettik organnyń azamattar úshin ashyqtyǵyn, aıqyndyǵy men qoljetimdiligin qamtamasyz ete otyryp, «open space» jáne front-keńse formatynda jumys isteıdi.
Servıstik ortalyqqa kelýshilerdi «Antikor ortalygy»-men tanystyratyn jańa urpaq ónimi – sóıleıtin gologramma qarsy alady (úsh ólshemdi beıneni kórsetetin lazerdiń kómegimen jasalatyn kólemdi beıne).
Ashylý rásiminde sóz sóılegen Agenttik Tóraǵasy Memleket basshysynyń «Halyq únin estıtin memleket» qaǵıdaty boıynsha mindetterin iske asyrý aıasynda ashyqtyq, eseptilik jáne qoǵamdyq dıalog qurý aldyńǵy orynǵa shyǵatynyn atap ótti.
«Búgin Sizder Agenttiktiń osy baǵyttaǵy kezekti qadamynyń kýási boldyńyzdar. О́zimizdi ashyq quqyq qorǵaý organy retinde kórsete otyryp, bizdiń organdy repressıvti organ retinde qabyldaıtyn qalyptasqan pikirdi joqqa shyǵarýdamyz. Agenttiktiń jańa ǵımaraty zamanaýı formatta jabdyqtalǵan», dedi A.Shpekbaev.
Osy kúni Agenttik Tóraǵasynyń quqyq qorǵaý, arnaıy jáne basqa da memlekettik organdardyń, oblystyq qoǵamdyq keńestiń, ardagerler keńesiniń basshylarymen, jurtshylyqpen, arnaıy monıtorıng toptarynyń músheleri men BAQ-men kezdesti.
Jumys kezdesýi aıaqtalǵan soń A.Shpekbaev azamattyq qoǵam jáne BAQ ókilderine belsendi azamattyq ustanymdary men eldiń sybaılas jemqorlyqqa qarsy saıasatynyń negizgi baǵyttaryn túsindirgenderi úshin alǵys hattar tabystady.
Sonymen qosa, sybaılas jemqorlyqqa qarsy zańnamany balalarǵa túsindirýge arnalǵan «Satylmaıtyn Alpamys» atty kompıýterlik oıyndardy ázirlegen K.Elýbaev pen onyń uly A.Amangeldıev te marapatqa ıe boldy.