Elordadaǵy «Saryarqa» velotreginde «Prezıdenttik synaq jáne prezıdenttik kópsaıys federasııalar odaǵy» ZTB keńesiniń kezekten tys otyrysy ótti. Atalǵan kezdesýde federasııanyń jańa basshysy taǵaıyndaldy. Bul orynǵa Premer-Mınıstrdiń birinshi orynbasary-Qarjy mınıstri Álıhan Ashanuly Smaıylov saılandy.
Mádenıet jáne sport mınıstri Aqtoty Raıymqulova jańa saılanǵan federasııa prezıdentine qyzmette sáttilik tilep, atalǵan federasııa jumysynyń asa mańyzdy ekenine toqtaldy. Prezıdenttik testilerdiń ult densaýlyǵyn saqtaý, óskeleń urpaqty salamatty ómir saltyna shaqyrýda asa mańyzdy ekenin jetkizdi.
О́z sózinde jańa saılanǵan federasııa prezıdenti buqaralyq sporttyń ult saýlyǵyndaǵy mańyzyn atap ótti.
«Ult saýlyǵy el saıasatynyń basym baǵyttarynyń biri. Buqaralyq sportty áleýmettiń barlyq toptary arasynda damytý mańyzdy. Sporttyq ınfraqurylymdy buqaraǵa qoljetimdi etý kerek. Buqaralyq sportty damytý boıynsha keshendi jospardy zańmen bekitip, osy baǵytqa basymdyq berý qajet», dedi Á.Smaıylov.