Abaı atyndaǵy Qazaq ulttyq pedagogıkalyq ýnıversıtetinde ótken «II Global Teaching Qazsaq» halyqaralyq forýmyna Reseı, О́zbekstan, Japonııa, Qazaqstan jáne Túrkııa elderinen kelgen bilim salasynyń bilikti mamandary qatysty.
Muǵalimniń qoǵamdaǵy róli, bilim sapasyn arttyrýda oqýshymen, ata-analarmen baılanys erekshelikterine toqtalǵan R.Masyrova, B.Seıdalıev, N.Takashı, A.Alıaz, G.Galıpova, E.Áýel jáne basqa da pedagogtar zamanaýı tehnologııalardy kúndelikti oqytý júıesine engizý tájirıbeleri týraly jaıynda baıandady. Al «II Global Teaching Forum Qazsaq» jobasynyń dırektory Dıana Ábdiqadyrova, bas redaktor Medına Reı aldaǵy jospar, pedagog úshin jobanyń paıdasy, qoǵamdaǵy ustaz mártebesin kóterý, oqytýshylarǵa arnalǵan stıpendııa, basqa da máseleler tóńireginde oı órbitti.
«Qazsaq Media Group» uıymdastyrǵan forým barysynda respýblıkanyń on pedagogyna «Qazsaq» stıpendııasy jáne de ózge qatysýshy ustazdarǵa halyqaralyq dıplom, «Úzdik pedagog» tósbelgileri tabys etildi. Úzdikterdi irikteýge qazylar alqasynyń quramynda Nur Otan, «Atameken» UKP, Qazaqstan halqy assambleıasy ókilderi qatysty. Joba sharty boıynsha jeńimpaz bolyp tanylǵan ustazdar 2020 jyldyń mamyr aıyna deıin «QazsaqMediaGroup» atynan aılyq jalaqysynyń 10-15% mólsherinde qosymsha járdemaqy alatyn bolady.
Forýmǵa qatysýshylar arasynan 30 pedagog aǵymdaǵy jyldyń 22 jeltoqsanynda Ystanbulda ótetin halyqaralyq «III Global Teaching Forum Qazsaq» teach-týryna irikteledi. Al aldaǵy ýaqytta forýmǵa qatysqan ustazdar jumystarynyń jınaǵy 50 000 taralymmen jaryq kórmek.
ALMATY