15 qańtar kúni polısııa qyzmetkerleri júrgizgen jedel-profılaktıkalyq is-shara barysynda «Batys Eýropa – Batys Qytaı» tas jolynyń Qarmaqshy aýdany tusynda kúdik týdyrǵan jeńil avtokólikti toqtatty.
Tekserý barysynda avtokóliktiń artqy júk salǵyshynan erekshe ıisi bar sómke, al salonnan sol tárizdes shóp salynǵan 2 plastıkalyq quty alyndy.
Saraptama qorytyndysy boıynsha erekshe ıisi bar zattyń jalpy salmaǵy 16 keli 788,65 gramm bolatyn keptirilgen marıhýana ekendigi anyqtalǵan.
Búgingi kúni kúdikti Qarmaqshy aýdandyq Polısııa bóliminiń Ýaqytsha ustaý abaqtysyna qamaqqa alynyp, Qazaqstan Respýblıkasy Qylmystyq kodeksiniń 297-baby 3-bóligimen sotqa deıingi tergep-tekserý amaldary júrgizilýde.