Qyzylordada jolaýshylar tasymalymen aınalysatyn avtokólik apattarynyń aldyn alý, jol qozǵalysy erejeleriniń buzylýyn anyqtaý maqsatynda «Avtobýs» is-sharasy ótti. Bul týraly oblystyq Polısııa departamentiniń baspasóz qyzmeti habarlaıdy.
Jergilikti polısııa qyzmeti men qalalyq polısııa basqarmasynyń qyzmetkerleri, Nur Otan partııasy oblystyq fılıaly ókilderi birlese júrgizgen ic-sharanyń alǵashqy kúni 178 ákimshilik quqyq buzýshylyq anyqtaldy.
Onyń ishinde jolaýshy tasymaldaý qaǵıdalaryn buzý, kólik quralyn zańsyz jabdyqtaý, rýlde uıaly telefonmen sóılesý, manevr jasaý qaǵıdalaryn buzý oqıǵalary jıi kezdesken.
Osy zań buzýshylyqtar boıynsha hattama toltyrylyp, tıisti ákimshilik shara koldanyldy.