Premer-Mınıstrdiń orynbasary – Qarjy mınıstri Álıhan Smaıylovtyń basshylyǵymen Qazaqstan Respýblıkasynda ınvestısııalyq saıasatty iske asyrý týraly pikirtalas ótti. Bul týraly Premer-Mınıstrdiń baspasóz qyzmeti habarlady.
Sharaǵa Prezıdent janyndaǵy Sheteldik ınvestorlar keńesiniń ınvestısııalyq saıasatty iske asyrý jónindegi jumys tobynyń jáne memlekettik organdardyń: Bas prokýratýra, Qarjy mınıstrliginiń Memlekettik kirister komıteti, Ulttyq ekonomıka mınıstrligi, Ádilet mınıstrligi jáne Joǵarǵy Sot ókilderi qatysty.
Kezdesý qatysýshylary salyqtyq quqyq buzýshylyqtardy qylmyssyzdandyrýǵa baǵyttalǵan sharalardy talqylady.
«Bul jumystyń nátıjesi retinde elimizdiń ınvestısııalyq ahýaly jaqsartylyp, sondaı-aq memlekettik organdardyń bızneske qysymy tómendetilýi kerek» dep atap ótti Álıhan Smaıylov.
Sharaǵa, sonymen qatar jumys tobynyń sheteldik jaqtan «EY», «Shell», «TOTAL» ókilderi qatysty.