Tuńǵysh Prezıdent Nursultan Nazarbaev Túrkııa Respýblıkasynyń Prezıdenti Rejep Taııp Erdoǵanǵa kóńil aıtý jedelhatyn joldady. Bul týraly Elbasynyń baspasóz qyzmeti habarlady.
Qazaqstannyń Tuńǵysh Prezıdenti Túrkııanyń Elıazyg jáne Malatıa provınsııalarynda oryn alǵan jáne adamdardyń qazasyna ákelip soqtyrǵan qýatty jer silkinisi týraly sýyt habardy kúızelispen qabyldady. «Osyndaı qıyn sátte qaza tapqandardyń týys-týǵandaryna, sondaı-aq búkil Túrkııa halqyna aýyr qaıǵylaryna ortaqtasyp, kóńil aıtamyn. Zardap shekkenderdiń tezirek saýyǵyp, otbasylaryna oralýyna tilektespin», - delingen jedelhatta.