Qyzylorda qalasyndaǵy Nazarbaev Zııatkerlik mektebi aımaqtaǵy 9 jetekshi mekteppen yntymaqtastyq jónindegi memorandýmǵa otyrdy. Olar alda ózara tájirıbe almasyp, bilim berý úderisine ınnovasııalardy engizý jáne damytý baǵytynda birlese jumys isteıdi.
О́ńirimizde alǵash ret qurylǵan mektepter qoǵamdastyǵyna oblystyq daryndy balalarǵa arnalǵan bilim berý uıymdary, jetekshi mektepter men «Aýyldyq mektepter» jobasynyń pılottyq bilim ordalary enip otyr. Jıynǵa qatysýshylar NZM jumysymen tanysyp, nanotehnologııa kabınetinde órt sóndirý, krımınalıstıka, medısına salalaryna qatysty oqýshylar jasaǵan jumystardy kórdi.
Mektep basshylary Nazarbaev Zııatkerlik mektebiniń jetistikteri, kásibı baǵdar berý jumysyn uıymdastyrý júıesi, oqýshylarǵa qolaıly jaǵdaı jasaý, syrtqy jıyntyq baǵalaý úderisi, bilim alýshylardyń jobalaý is-áreketin uıymdastyrý baǵyttary men «Action Research» jáne «Lesson Study» zertteý jumystary boıynsha jan-jaqty aqparat aldy.
Dóńgelek ústel basynda bilim salasynyń mamandary mektep qoǵamdastyǵynyń negizgi jumys baǵyttaryna talqylaý júrgizip, ózara yntymaqtastyq týraly memorandýmǵa qol qoıdy.
– Biz ózara úzdik tájirıbemizdi taratamyz. Oqý-tárbıelik, ǵylymı-shyǵarmashylyq, mádenı-sporttyq baǵyttaǵy birlesken jobalardyń mektepterdiń damýyna yqpaly mol bolady, – dedi Qyzylorda qalasyndaǵy Nazarbaev Zııatkerlik mektebiniń dırektory Baqyt Jumataı.