Qyzylordalyq polıseıler EAEO elderinen ákelingen avtokólikter boıynsha túsindirme jumystaryn júrgizip jatyr. Bul týraly oblystyq polısııa departamentiniń baspasóz qyzmeti habarlaıdy.
17 qańtardan bastap halyqqa qyzmet kórsetý ortalyǵynda ákimshilik polısııa basqarmasynyń qyzmetkerleri memlekettik kirister departamentiniń mamandarymen birlesip, EAEO elderinen ákelingen kólik quraldaryn tirkeý boıynsha túsindirý jumystaryn júrgizýde.
Ortalyqqa kelgen kólik ıelerine polısııa qyzmetkerleri tirkeý erejelerin tanystyryp, azamattardyń barlyq suraqtaryna jaýap beredi. Memlekettik kirister departamentiniń qyzmetkerleri baj salyǵynyń mólsherin esepteıdi.
О́tken demalys kúnderi 28 azamatqa quqyqtyq keńes berildi.