Shıeli aýdandyq polısııa bóliminiń qyzmetkerleri «Batys Eýropa – Batys Qytaı» kúre jolynyń boıynda adasyp júrgen 9 jasar balany ata-anasyna tabystady.
Aqpan aıynyń alǵashqy kúni túngi saǵat 23:00 shamasynda kúre jolmen kele jatqan polısııa qyzmetkerleri Sýnaq ata aýyly men 19 razezd aralyǵynda júrgen balany baıqap qalǵan. Toqtap, jón surasqan olar balanyń jolǵa áke-sheshesimen birge shyqqanyn anyqtapty. Avtokólik aıaldaǵan tusta balanyń syrtqa shyqqanyn baıqamaǵan áke-sheshesi jolǵa shyǵyp kete barǵan.
Bala aıtqan belgiler boıynsha «Lada-Vesta» kóligine izdeý salǵan polıseıler kóp uzamaı jolaýshylardy tapty. Bir tańǵalarlyǵy, Reseıden Tájikstanǵa bet alǵandar balanyń jolda túsip qalǵanyn tártip saqshylary toqtatqan kezde ǵana bilipti.
Polıseıler bala men erli-zaıyptylardyń týystyq qatynastaryn rastaıtyn qujattaryn tekserip, sáttilik tilep shyǵaryp saldy.