«Qazgıdromet» RMK 5-8 aqpanǵa arnalǵan aýa raıy boljamyn habarlady.
Sınoptıkterdiń boljamynsha, ońtústik-batystan jyljyp kelgen troposferalyq aýa aǵyny Qazaqstanda Qara teńiz sıklonymen aralasýyna baılanysty kún kúrt jylynyp, jańbyr, qar aralas jańbyr jaýady, kóktaıǵaq bolyp, ońtústik-batystan qatty jel soǵýy múmkin.
Túnde ǵana emes, kúndiz de aýa temperatýrasy mınýs 6 plıýs 5 gradýs aralaǵynda bolady dep kútiledi. Osyndaı joǵary temperatýra men jaýyn-shashynnyń saldarynan tótenshe jaǵdaı qaýpi týyndap, joldarda kóktaıǵaq bolyp, tuman túsedi.
Ońtústik jáne ońtústik-shyǵysta ońtústik sıklonmen birge jaýyn-shashyn, jańbyr, jańbyr aralas qar jaýady, aýa temperatýrasy kúndiz + 5... 10°S, al ońtústikte + 12... 18°S deıin kóteriledi. Aldaǵy úsh kún ishinde aýa temperatýrasy klımattyq normadan 8... 16°S joǵary bolady.