Densaýlyq saqtaý mınıstri Eljan Birtanov pen Reseı Federasııasynyń Densaýlyq saqtaý mınıstri Mıhaıl Mýrashkomen telefon arqyly sóılesti. Bul týraly Densaýlyq saqtaý mınıstrliginiń baspasóz qyzmeti habarlady.
Áńgime barysynda Eljan Birtanov Mıhaıl Mýrashkonyń taǵaıyndalýymen quttyqtady jáne koronavırýstyq ınfeksııaǵa qarsy kúreste kórsetken kómegi úshin jáne bizdiń azamattardy Ýhan qalasynan evakýasııalaǵany úshin alǵys bildirdi.
Taraptar Qazaqstannyń Densaýlyq saqtaý mınıstrliginiń jedel ortalyǵy arqyly turaqty baılanys ornatýǵa jáne aqparat almasýǵa kelisti.
Atap aıtqanda, Qazaqstannyń Densaýlyq saqtaý mınıstrligi Reseıdiń Túmen qalasyndaǵy (úsh qazaqstandyq) Ýhannan evakýasııalanǵan azamattarymyzdyń jaǵdaıyna birlesip monıtorıng júrgizetin bolady. Jerlesterimiz eki aptalyq karantınde otyr.
Aıta ketý kerek, bul jaǵdaı Densaýlyq saqtaý mınıstrliginiń turaqty baqylaýynda.
Resmı aqparatty Densaýlyq saqtaý mınıstrliginiń Feısbýktegi paraqshasynan oqı alasyzdar jáne kez kelgen suraqtar boıynsha táýlik boıy jumys isteıtin 1406 baılanys-ortalyǵyna qońyraý shalýǵa bolady.
Sondaı-aq Densaýlyq saqtaý mınıstri Eljan Birtanov pen О́zbekstan Respýblıkasynyń Densaýlyq saqtaý mınıstri Alısher Shadmanovpen telefon arqyly sóılesti.
Eljan Birtanov óziniń áriptesine Ýhannan qazaqstandyqtardy evakýasııalaǵany úshin alǵys aıtty.
Taraptar Qazaqstannyń Densaýlyq saqtaý mınıstrliginiń jedel ortalyǵy arqyly turaqty baılanys ornatýǵa jáne aqparat almasýǵa kelisti.
Atap aıtqanda, Qazaqstannyń Densaýlyq saqtaý mınıstrligi О́zbekstannyń Tashkent qalasyndaǵy (bes qazaqstandyq) Ýhannan evakýasııalanǵan azamattarymyzdyń jaǵdaıyna birlesip monıtorıng júrgizetin bolady. Jerlesterimiz eki aptalyq karantınde otyr.
Aıta ketý kerek, bul jaǵdaı Densaýlyq saqtaý mınıstrliginiń turaqty baqylaýynda.
Resmı aqparatty Densaýlyq saqtaý mınıstrliginiń Feısbýktegi paraqshasynan oqı alasyzdar jáne kez kelgen suraqtar boıynsha táýlik boıy jumys isteıtin 1406 baılanys-ortalyǵyna qońyraý shalýǵa bolady.