Qyzylordadaǵy Dostyq úıinde «Abaı qazynasyna saıahat» klýbynyń tusaýkeseri bolyp ótti. Bul týraly oblystyq Qazaqstan halqy assambleıasynyń baspasóz qyzmeti habarlady.
Sharaǵa fılologııa ǵylymdarynyń kandıdaty, abaıtanýshy Sara Baqtııarqyzy, uly aqynnyń óleńderin jatqa biletin jas Elena Pak, Qoǵamdyq kelisim keńesiniń múshesi Aleksandr Abanın, jas qylqalam sheberi Jaına Balyqbaeva, Nazarbaev Zııatkerlik mektebiniń muǵalimi Merýert Maratovalar arnaıy shaqyryldy.
Taǵylymy mol sharany «Qoǵamdyq kelisim» KMM aǵa sarapshysy, klýb jetekshisi Shakızat Abdramanova jáne Qorqyt ata atyndaǵy QMÝ stýdenti Elena Pak júrgizdi.
Eń birinshi klýbtyń maqsat-mindeti, aldaǵy jumys-josparlary tanystyryldy.
Uly Abaıdyń shyǵarmashylyǵy týraly abaıtanýshy Sara Baqtııarqyzy aıtyp ótti. Ult aqyl-oıynyń shyńynda turǵan uly oıshyldyń álemniń ozyq tulǵalarymen úndestigi jaıly Qoǵamdyq kelisim keńesiniń múshesi Aleksandr Abanın tarata aıtty.
Tanymdyq sharada klýb músheleri karaokemen «Kózimniń qarasy» ánin oryndady. «Syr qamqory» balabaqshasynyń búldirshinderi klýbtyń ashylýyna oraı arnaıy qoıylym qoıdy.
Shara sońynda 35 adamǵa «Abaı klýbynyń múshesi» kýáligi tabystaldy.
Qyzylorda oblysy