Qarııalar jergilikti turǵyndardy arandatýshylyqqa ermeýge úndedi. Sanaýly adamdar arasyndaǵy turmystyq máseleni el kólemindegi problema deńgeıine shyǵaryp, burmalaýǵa bolmaıtynyn aıtty. San jyldar boıy qalyptasqan beıbit ultaralyq qarym-qatynasty kózdiń qarashyǵyndaı saqtaý týraly sóz etti dep habarlaıdy 24.kz.
- Mynandaı júgensizdikke berilmeıik, tártip saqtaıyq. Halqymyz, jastarymyz aman bolsyn. Bárimiz soǵan atsalysaıyq. Halqymyz aman, tynysh bolsyn, - dedi Qordaı aýdanynyń turǵyny Álı Qalpaqov.
Dúngen mádenı ortalyqtary qaýymdastyǵynyń qurmetti prezıdent Lýgmar Býlarov ta halyqty arandatýshylyqqa ermeýge shaqyrdy.
- Biz áýelden tek beıbit elde turyp keldik. 140 jyl buryn qazaq halqy tarıhı erlik jasap, 400 myńnan astam adamnyń ómirin saqtap qaldy. Talaı qıyn-qystaý kezeńdi, asharshylyq pen soǵys jyldaryn birge ótkerdik. Sondyqtan eki jaqtyń jastaryn sabyr bolýǵa shaqyramyn. Arandatýshylyqqa ermeńizder, - dedi ol.