Oblys ákimi Qýanyshbek Ysqaqov turǵyndardyń ótinish-tilekterin tyńdap, birqatar áleýmettik nysandar jumysymen tanysý maqsatynda Qyzylorda qalasynyń aýmaǵyna enetin eldi mekenderdi aralady.
Aldymen aımaq basshysy Aqjarma aýyldyq okrýgindegi Baımurat batyr aýylyndaǵy memlekettik-jekemenshik áriptestik aıasynda salynǵan 150 oryndyq mádenıet úıinde boldy. Aýyldyq okrýg eldi mekenderinde aýyz sý, káriz júıeleriniń máselesi tolyq sheshilgen, endi «Aýyl – el besigi» baǵdarlamasy aıasynda Taldyaral aýylyna 9 kóshege tas tóseý josparlanyp otyr.
Munan keıin aımaq basshysy 6 myńnan astam turǵyny bar Aqsýat aýyldyq okrýginde boldy. «О́ńirlerdi damytý baǵdarlamasy» sheńberinde bul aýyldaǵy birneshe kóshege jóndeý jumystary júrgizilip, jaryq baǵanalary jańartylǵan. Turǵyndar óńir basshysymen kezdesýde tabıǵı gaz tartý máselesin kóterdi. Aımaq basshysy bul jumystar úshin bıylǵy jyly da respýblıkalyq bıýdjetten qarjy qaralǵandyǵyn aıtty. Aldaǵy ýaqytta qurylys- montaj jumystary bastalady.
О́ńir basshysynyń turǵyndarmen kezdesýi Tasbóget kentinde jalǵasty. Qala irgesindegi kentte másele kóp. Sonyń ishinde jańadan úıler salynǵan aýdanǵa jalpy uzyndyǵy 17 shaqyrym elektr jelisin tartý, jańa emhana salý, №5 olımpıadalyq rezerv sport mektebindegi sportshylarǵa jaǵdaı jasaý qajettigi basa aıtyldy.
Oblys ákimi ary qaraı Belkól kentiniń turǵyndarymen kezdesip, usynys-tilekterin tyńdady. Belkóldikter jalpy uzyndyǵy 7,8 shaqyrym bolatyn 10 kóshege ortasha jol jóndeý jumystaryn júrgizý, ortalyq kóshege jaıaý júrginshiler jolyn salý men temirjol ótkeline aspaly kópir salý máselesin aıtty.
Temirjolǵa kópir másesine qatysty qala ákimi N.Nálibaev tıisti mınıstrlikke usynys joldanǵanyn atap ótti.
Sonymen qatar aımaq basshysy Qosshyńyraý, Qyzyljarma, Qyzylózek aýyldyq okrýgteri men Talsýat eldi mekeninde de boldy.