Qyzylorda oblysy polısııa departamentiniń uıymdastyrýymen Keńes áskeriniń Aýǵanstannan shyǵarylǵanyna 31 jyl tolýyna oraı shaǵyn fýtboldan týrnır ótti.
«Dınamo» sport kesheninde ótken jarysqa óńirdegi quqyq qorǵaý organdarynyń qurama komandalary qatysty.
Sporttyq sharanyń ashylýynda oblystyq polısııa departamenti bastyǵynyń orynbasary, polısııa polkovnıgi Pazylbek Nálibaev Aýǵan soǵysy ardagerleriniń erlik joly búgingi jastarǵa tálim bolatynyn aıta ketip, jarysqa qatysýshylarǵa sáttilik tiledi.
Tartysty ótken dodada I oryndy Qyzylorda oblysy Tótenshe jaǵdaılar departamentiniń komandasy, II oryndy QR IIM-niń UU № 5547 áskerı bólimi, III oryndy oblystyq polısııa departamentiniń quramalary bólisti.