Qurlyqtyq hokkeı lıgasynyń (QHL) kezekti týr oıynyn Nur-Sultanda ótkizgen jergilikti «Barys» reseılik «Sochı» klýbyn 3:2 esebimen utty. Sonyń arqasynda Iаroslavldiń «Lokomotıvi» pleı-offqa joldama aldy.
Sóıtip, qazirdiń ózinde bıylǵy maýsymda Gagarın kýbogy úshin talasatyn 11 komanda belgili. Osyǵan deıin SSKA (Máskeý), SKA (Sankt-Peterbýrg), «Dınamo» (Máskeý), «Iokerıt» (Helsınkı), «Aq Bars» (Qazan), «Avangard» (Omby), «Avtomobılıst» (Ekaterınbýrg), «Barys» (Nur-Sultan), «Spartak» (Máskeý) jáne «Sıbır» (Novosibir) pleı-off básekesiniń joldamasyna ıelik etken edi.
Al QHL-dyń turaqty birinshiligi áli de jalǵasýda. «Barystyń» alda tórt oıyny bar. Atap aıtsaq, 18 aqpanda Novosibirdiń «Sıbırin» jáne 21 aqpanda Ýfanyń «Salavat Iýlaevyn» qabyldaımyz. Al sońǵy eki oıyndy «Barys» syrtta ótkizedi: 24 aqpanda Vladıvostoktyń «Admıral» jáne 26 aqpanda Habarovskiniń «Amýr» klýbtarymen kúsh synasamyz.