Qyzylorda qalasyndaǵy ZK-169/5 mekemesi mańaıynda turǵan avtokólikten esirtki tabyldy. Bul týraly oblys boıynsha QAJD mekemesiniń mamandary habarlady.
Kólik kúdikti kóringesin qalalyq polısııa basqarmasynyń esirtkige qarsy kúres bóliminiń qyzmetkerleri men jedel toby shaqyrtylyp, tintý kezinde artqy oryndyqtan 20 gramdyq 4 shprıske nyǵyzdalyp salynǵan shóp tabylady. Sot-hımııalyq saraptama qorytyndysy tárkilengen zattyń keptirilgen marıhýana ekenin anyqtap otyr.
Qazir osy fakt boıynsha QR QK-niń 296-baby 2-bóligimen sotqa deıingi tergep- tekserý amaldary júrgizilip jatyr.