Biz ultaralyq, etnosaralyq qatynastar máselelerine degen kózqarasymyzdy qaıta paıymdaýǵa tıispiz. Bul týraly Memleket basshysy Qasym-Jomart Toqaev informburo.kz aqparattyq-analıtıkalyq portalyna bergen suqbatynda aıtty.
«Erteń, 1 naýryz jumys saparymen Jambyl oblysyna baramyn. Qordaı aýdanyndaǵy qazaqtar men dúngender turatyn aýyl turǵyndarymen kezdesýdi josparlap otyrmyn. Biz ultaralyq, etnosaralyq qatynastar máselelerine degen kózqarasymyzdy qaıta paıymdaýǵa tıispiz. Qazaqstan dostyq pen kelisim mekeni bolyp keldi jáne solaı bolyp qala beredi. Bizdiń uran: Áralýandyqtaǵy birlik. Munda turatyn barlyq ulttar, etnıkalyq toptar birtutas ult bolyp tabylady. Árıne, Qazaqstanda turaqty turatyn árbir etnostyń ózindik ereksheligi bar. Olardyń barlyǵy óz tilderin oqyp-úırenýge jáne qoldanýǵa, mádenıetterdi damytýǵa, ádet-ǵuryptardy saqtaýǵa quqyly», dedi Prezıdent.
Sondaı-aq Memleket basshysy álem boıynsha tez tarap jatqan koronavırýstyń aldyn alý sharalary, elimizdegi mıtıng ótkizý týraly jańa zań jobasy, sondaı-aq EAEO elderinen ákelingen kólikterdi tirkeý jáne Ulttyq qoǵamdyq senim keńesiniń jumysy jaıynda áńgimeledi.