Byltyr oblystaǵy shaǵyn jáne orta bıznes salasy bıýdjetke 73,8 mlrd teńge salyq túsirgen. Bul týraly oblystyq kásipkerler palatasynyń dırektory Ǵalymbek Jaqsylyqov bıznes-qaýymdastyq ókilderi aldyndaǵy esepti kezdesýinde aıtty.
Kezdesý aldynda «Bastaý» jobasy boıynsha oqyp, kásipterin ashqan iskerler basqaratyn kásiporyndar ónimderinen kórme kórsetildi.
Palata dırektory kásipkerlermen kezdesýde qazirgi ekonomıkalyq ahýalǵa, bıznestiń jaı-kúıine qysqasha sholý jasady.
– Bizdiń óńir ekonomıkasy munaı óndirisine táýeldi ekeni belgili. О́tken jyly munaı óndirisi kóleminiń 13%-ǵa tómendeýi ónerkásiptik ónimniń 10,7%-ǵa azaıýyna alyp keldi. Jalpy, sońǵy 7 jylda oblysta munaı óndirisi eki esege deıin azaıyp, 5,5 mln tonnaǵa deıin tómendegen. Bıyl da 1 mln tonnaǵa kemıdi degen boljam bar. Sondyqtan óńdeý ónerkásibi baǵytynda oblys ekonomıkasyn ártaraptarandyrý qazirgi kúnniń basty talabyna aınalyp otyr. Ony tek shaǵyn jáne orta bıznesti damytý arqyly qol jetkize alamyz, - dedi ol.
Bıylǵy 1 qańtardaǵy esep boıynsha oblysta 46 297 shaǵyn jáne orta kásipkerlik sýbektisi jumys jasaýda. О́tken jyldyń 9 aıynda sala 285,5 mlrd teńgeniń ónimin óndirip, ósim – 9,9%-ke jetken.
Sońǵy 3 jylda shaǵyn jáne orta bıznestiń jalpy óńirlik ónimdegi úlesi 14,2%-dan 18%-ǵa ósip otyr.