Astanadaǵy «Kerýen» saýda ortalyǵynda áskerı qyzmetke kelisimshart boıynsha shaqyrýǵa arnalǵan jyljymaly tirkeý pýnktiniń jumysy bastaldy.
Qazirgi ýaqytta respýblıka Qorǵanys mınıstrligi qyzmetiniń mańyzdy baǵyttarynyń biri Qarýly Kúshterdi ofıserlik, serjanttyq jáne qatardaǵy jaýyngerlermen jasaqtaýdyń júıesin jetildirý bolyp tabylady. Bul jumysty júrgizýde Qarýly Kúshterdi kelisimshart boıynsha áskerı qyzmetshilermen jasaqtaýǵa tolyq kóshýge negiz bolatyn sannan buryn sapaǵa barynsha mán beriletini sózsiz.
Úgit tobynyń jumysy úmitkerlerdi irikteý jáne halyqqa keńinen túsindirý jumystaryn júrgizý syndy kóp deńgeıli júıege qurylǵan. Osy ýaqytqa deıin elimizdiń ár aımaǵynda úgit-nasıhat sıpatyndaǵy birneshe is-shara uıymdastyryldy. Buqaralyq aqparat quraldary arqyly halyqty áskerı qyzmetke kelisimshart boıynsha alý tártibi týraly aqparattandyrý jumystary da udaıy júrgizilip keledi.
«Egemen-aqparat».
––––––––––––––––
Sýretterde: elordadaǵy «Kerýen» saýda ortalyǵyndaǵy áskerı qyzmetke shaqyrý pýnkti jumysynan kórinis.