Bıyl Áıteke bı kentinde 2 sport alańy salynady. Bul týraly Qazaly aýdany ákiminiń baspasóz qyzmeti habarlady.
Qazir aýdan ortalyǵynda 9 shaǵyn fýtbol alańy bar. Olardyń basym kópshiligi temirjoldyń bergi betinde ornalasqan. Al 10 myńnan asa turǵyny bar 5 kvartal aımaǵynda jalǵyz sport alańy bar.
Osyǵan oraı bıyl osy aımaqtan 2 shaǵyn fýtbol alańyn salý josparlanyp otyr. Onyń biri Dýlatov pen Álipbaev kósheleriniń qıylysynda ornalassa, ekinshisi Jetes bı men Elhovnıkov kósheleri túıisken jerge salynady.
Sport alańdaryn salý úshin aýdandyq bıýdjetten qarjy bólindi. Jaqyn kúnderi memlekettik satyp alý konkýrsy jarııalanyp, jeńimpaz mekeme anyqtalady.
О́tken jyly osy aýdandaǵy Aqtan batyr aýylynda 150 oryndyq stadıon qurylysy bastalyp, bıyl aıaqtaldy.