Nashaqorlyqqa jáne esirtki bıznesine qarsy is-qımyldy úılestirý jónindegi vedomstvoaralyq shtabtyń is-sharalar josparyna sáıkes oblystyq Polısııa departamentiniń Esirtki bıznesine qarsy is-qımyl basqarmasynyń qyzmetkerleri aımaqtaǵy orta jáne arnaýly orta, joǵary oqý oryndary stýdentteri arasynda úgit brıgadalar saıysyn uıymdastyrdy.
Balalar men jasóspirimderdi esirtki taratý men tutynýdan saqtandyryp, salaýatty ómir saltyn qalyptastyrýdy kózdegen saıysqa 46 úgit brıgadasy qatysyp, máseleni shaǵyn teatrlandyrǵan qoıylymdarǵa ózek qyldy.
Qazylar alqasynyń sheshimimen 16 toptyń eńbegi erekshe atalyp ótti.
Al birinshi oryn Syrdarııa aýdanyndaǵy №131 orta mektep komandasyna buıyrdy. Ekinshi oryndy osy aýdandaǵy №126 orta mektep oqýshylary alsa, úshinshi oryn júldesi Qazaly aýdany №70 orta mektep oqýshylaryna tabys etildi.