Nazarbaev Zııatkerlik mektepteriniń «Urpaqtar sabaqtastyǵy» jobasy aıasynda qyzylordalyq zııatkerler aldyńǵy býyn ókilderimen kezdesý ótkizip, qazaqtyń qolónerin nasıhattaýǵa baǵyttalǵan arnaıy sheberlik sabaqtaryna qatysty.
Oqýshylardyń ardagerlermen kezdesý sharalary mektepte úzdiksiz uıymdastyrylyp otyrady. Bul joly basqosýǵa zııatkerler ózderiniń ájelerin shaqyryp, olar jas urpaqqa ómirlik joldarynan tárbıelik máni bar áńgimeler aıtty. Umytylyp bara jatqan ánderdi shyrqalǵan keshte ájeler balalarǵa qolónerdiń qundylyǵy jaıly aıtyp, urshyq ıirip, tekemet basý tásilderin kórsetti.
– Bul óte ıgi bastama. Zamanaýı tehnologııalar damyǵan zamanda ulttyq murany jastar arasynda nasıhattaý óte mańyzdy. Búgin ulttyq qundylyqtar kórinis tapqan jáne turǵyndarynyń aýyzbirshiligi jarasqan bir úlken aýyl merekesine kelgendeı áser aldym, – dedi ájeı Sveta Sabyrbaı.
Shara barysynda jas daryndylar ájelerine ǵalamtor júıesin paıdalanýdy úıretti. Sharaǵa qatysýshylar alda áleýmettik jelide «Urpaqtar sabaqtastyǵy» atty jańa top quryp, sol jerde naqyl sózder men tárbıelik máni bar áńgimeler jarııalaýdy josparlap otyr.