Reseıdiń Sochı qalasynda kásibı jaýyngerlik sambodan tórtinshi halyqaralyq týrnır márege jetti. «Platforma S-70» degen ataýmen ótken bul jarysty «Sambo-70» jáne «League S-70» bilim berý ortalyqtary uıymdastyrdy.
Reseıdiń Sochı qalasynda kásibı jaýyngerlik sambodan tórtinshi halyqaralyq týrnır márege jetti. «Platforma S-70» degen ataýmen ótken bul jarysty «Sambo-70» jáne «League S-70» bilim berý ortalyqtary uıymdastyrdy.
Baıraqty básekege Reseı samboshylarynan bólek, Qazaqstan, Ýkraına, Latvııa, Bolgarııa, Avstrııa, Venesýela, AQSh jáne Ońtústik Afrıka Respýblıkasy sekildi elderdiń sportshylary qatysty. Onyń fınalynda reseılik Vıacheslav Vasılevskıı men ońtústikafrıkalyq Trevor Prenglı kezdesip, shaıqas alań ıesiniń tehnıkalyq nokaýtymen aıaqtaldy. Bulardyń birinshisi Reseıdiń 2012 jáne 2013 jyldarǵy chempıony bolsa, kelesisi brazılııalyq djıý-djıtsýdyń qara belbeýiniń ıegeri eken. Al komandalyq saıysta Reseı komandasy álem quramasyn 4:1 etip utty.
Quramalar budan bólek, ózara birneshe joldastyq kezdesýler ótkizdi. Onda Reseı men Qazaqstan jasaqtary qarsylastarynan eki márteden basym tússe, Ýkraınanyń bas komandasy bir jeńiske qol jetkizdi. Osylaısha qazaq samboshylary namysty qoldan bermedi.
«Egemen-aqparat».