Mánerlep syrǵanaýshy Mıhaıl Shaıdorov muz ústinde minsiz óner kórsetip, aqparat aıdynyndaǵy basty taqyrypqa aınaldy. Ásirese álemdik BAQ ókilderi sý jańa chempıon týraly jarysa jazyp jatyr, dep habarlaıdy Egemen.kz.
Fınalǵa shyqqan alty sportshynyń beseýi óner kórsetip jatqanda súrinip, upaı joǵaltty. Solardyń qatarynda báıgeniń basty úmitkeri sanalǵan amerıkalyq Ilııa Malının de boldy.
Mıhaıl Shaıdorov – Olımpıada chempıony!
Al Shaıdorov asqan baıyppen, ónerin sátti kórsetip shyqty.
Armannan altynǵa deıin: Mıhaıl Shaıdorovtyń chempıondyq joly
Qytaıdyń halyqaralyq telearnasyna bergen eksklıýzıv suhbatynda (CGTN) Mıhaıl Shaıdorov altyn alamyn dep oılamaǵanyn aıtady.
«Men baǵalar taqtasyn kórmedim. Jalǵyz ǵana ańǵarǵanym – meniń elimniń baıraǵy basqalardikinen bıik tur eken. Jeńiske jetkenimdi sonda ǵana túsindim», deıdi ol.
Shaıdorovtyń bul jetistigi Qazaqstan sportynyń tarıhynda aıryqsha oryn alyp, el mereıin ústem etti. Onyń tabysy tek bir jarystyń jeńisi ǵana emes, tutas ulttyń rýhyn kótergen aıtýly oqıǵa retinde baǵalanyp otyr. Sebebi bul elimizdiń qysqy Olımpıada oıyndaryndaǵy sońǵy 32 jyldaǵy tuńǵysh altyn medali.
Mıhaıl Shaıdorov Olımpıadadaǵy jeńisi úshin qansha syıaqy alady?