Álemniń eki dúrkin chempıony, London Olımpıadasynyń jeńimpazy aýyr atlet Maııa Maneza tamyzdyń 20-sy kúni Almatydaǵy perzenthanalardyń birinde ul týdy. Bul týraly onyń zaıyby Vıacheslav Ershovtyń deregine súıengen Vesti.kz habarlady.
Tolǵaq búgin tańerteń bastalǵan. Bóbektiń boıy 50 santımetr de, salmaǵy týra 3 kılo bolyp shyqqan. Jubaılar nárestege Arsenıı degen at berdi.
«Tolǵaq jaqsy ótti. Maııa ózin jaqsy sezinedi. Biz baqyttymyz!», - dedi V.Ershov.
Maııa Maneza 2007 jyldan beri Qazaqstan quramasy sapynda óner kórsetip keledi. Ol 2009 jáne 2010 jyldary 53 kıloǵa deıingi salmaq dárejesinde álem chempıony atandy. Sondaı-aq 2010 jyly Azııa oıyndaryn utyp aldy. 2011 jyly Parıjde álemniń kúmis medalin qanaǵat tutty. Al 2012 jyly Londonda top jardy.
Ústimizdegi jylǵy sáýir aıynda Maneza aýyr atlet Vıacheslav Ershovqa turmysqa shyqty. Slava 2006 jyly Azııa oıyndarynyń chempıony bolǵan.
Rýslan Igilik.